Një përleshje ka ndodhur në Pejë.
Policia e Kosovës ka arrestuar tre persona të cilën dyshohet se kanë sulmuar fizikisht dy persona të tjerë në rrugën “Beteja e Koshares” në Pejë.
Me urdhër të prokurorit, dy prej sulmuesve janë ndaluar për 48 orë në polici, ndërsa i treti është liruar në procedurë të rregullt.
“Tre persona i kanë sulmuar dy persona të tjerë, të cilët kanë pësuar lëndime të lehta trupore. Dy prej tre sulmuesve janë ndaluar për 48 orë me urdhër të prokurorit, ndërsa i treti është liruar në procedurë të rregullt”, ka deklaruar zëdhënësi i policisë për rajonin e Pejës, Fadil Gashi.
Me këtë rast policia ka konfiskuar edhe një armë pistoletë, dy karikatorë dhe 18 plumba.
