Ermina Lekaj-Përlaskaj, pjesë e institucioneve shtetërore kroate, ka demantuar lajmin se Kroacia ka dhënë garancë për lirimin me kusht të ish-eprorëve të UÇK’së, të cilët po gjykohen për krime lufte nga Dhomat e Specializuara nga Hagë.
E njëjta thotë se Zyra e Presidentit të Kroacisë nuk e ka konfirmuar ende se do të garantojë për mbrojtjen e Thaçit dhe të tjerëve.
“Kroacia dhe Zyra e Presidentit nuk e ka konfirmu që do të garantojnë për mbrojtjen e eproreve ushtarak konkretisht për z. Thaçin dhe z. Veselin. Kroacia është e gatshme t’i ndihmojë Kosovës, por nuk ka garancion dhe kaucion ende”, thuhet në demantin e saj.
Lekaj-Përlaskaj ka bërë me dije se Ministri i Punëve të Jashtme i Kroacisë do të zhvillojë vizitë të enjten në Prishtinë.
“Një raportim që kam kërkuar nga zyra e presidentit kroat, ende nuk është dhënë asnjë kumtesë zyrtare. Jam në bisedime me shefin e kabinetit të presidentit…Mundësia ekziston që Kroacia të jap një garancë të tillë, por nuk kemi asgjë zyrtare që Kroacia ka ofruar deri më tani…Besoj që Kroacia ka disponim dhe të enjten do të jem në Prishtinë në vizitë me Ministrin e Punëve të Jashtme”, ka deklaruar ajo.
Ndryshe, Ish-komandanti i UÇK-së në Zonën e Koshares, Hisen Berisha, ka jehuar idenë se Kroacia do ofrojë garancë të lirimit me kusht të të arrestuarve në Hagë./meKryeministrin.info/
The post Deputetja shqiptare demanton lajmin se Kroacia ka dhënë garancë për lirimin e ish-eprorëve të UÇK’së appeared first on meKryeministrin.info.
