Deputetja e AAK-së, Teuta Haxhiu, ka reaguar ndaj deputetes së Vetëvendosjes Mimoza Kusari – Lilës, pas postimit për asfaltin në Gjakovë, ku kjo e fundit tha se investimet infrastrukturore të qeverisë së kaluar ishin të cilsisë së dobët.
Sipas Haxhiut, Kusarit i është dhimbsur asfalti i para 37 viteve, nga koha e Titos.
“Paska reaguar Mimoza – sigurisht në shenj “pakënaqësie “ që po ndërtohet rruga e Re me katër korsi; Gjakovë – Dollc- Prishtinë. Ndoshta po i dhimbset asfalti i para 37 viteve përgjatë kësaj magjistrale ( nga koha e Titos)mirëpo e cila po ashtu është ndërtuar nga taksat e qytetarëve tonë. Mimozë aty ku ndërtohet, natyrisht që edhe prishet. Në vend që t’i përgëzosh ideatorët dhe realizuesit për këtë projekt kapital, shif në çfarë niveli zbret e me çka merresh! A veç me fol diçka, apo?”, shkroi ajo në këtë postim në Facebook. /Infodiaspota/