Abdixhiku takohet virtualisht me Wieland, flasin për zhvillimet politike.
Sot kryetari i LDK-së Lumir Abdixhiku me bashkëpunëtorë e kanë mbajtur një takim virtual me Zëvendëspresidentin e Parlamentit Evropian Rainer Wieland.
Wieland e ka uruar Abdixhikun për detyrën e re dhe e ka konfirmuar gatishmërinë për thellimin e bashkëpunimit me LDK-në, si parti anëtare në Partitë Popullore Evropiane.
Abdixhiku e falënderoi Wieland për mbështetjen që i ka dhënë Kosovës në përgjithësi, njofton Klan Kosova.
Abdixhiku dhe Wieland diskutuan edhe për çështjet aktuale politike në vend me fokus të veçantë në zhvillimin e LDK-së, por edhe për integrimin e Kosovës në BE dhe organizata tjera ndërkombëtare.
